Home Blog Page 3

Plas sherri në BDI, largohen katër deputet. Besa pjesë e qeverisë

0

Koalicioni i arritur ndërmjet Lëvizjes Besa dhe Aleancës për shqiptarët për rrethin e dytë zgjedhor, ku të dy partitë do të mbështesin njëra tjetrën në rrethin e dytë zgjedhor më 29 tetor kundër BDI-së, ka shkaktuar tronditje të thellë në BDI. Sipas një burimi brenda BDI, që nuk dëshironte të identifikohej për arsye tashmë të njohura, mësohet se kacafytjet kanë arritur pikën e vlimit, e ku si fajtor kryesor i situatës së krijuar përmenden inatet personale dhe imponimi i Ramiz Merkos te Ali Ahmeti për të kandiduar si kandidat i kësaj partie për qytetin e Strugës, përkundër mospajtimit dhe kundërshtimit të shumicës së anëtarëve të kryesisë së BDI-së. Sipas të dhënave që i solli burimi që cekëm më lartë, mësohet se katër deputet brenda BDI-së tanimë janë rebeluar dhe presin epilogun e zgjedhjeve dhe janë të gatshëm të kalojnë në anën e koalicionit të sapo formuar “Aleancës me Besë” dhe sipas të gjitha gjasave menjëherë pas përfundimit të zgjedhjeve pritet riformatimi i qeverisë dhe largimi i grupit kriminel të BDI-së që vazhdojnë të jenë të afërt me VMRO DPMNE dhe në vend të tyre pjesë e qeverisë do të jetë edhe Lëvizja Besa, si pjesë e përbashkët e koalicionit të ri.

Policia greke konfirmon arrestimin e Grujovskit dhe Boshkovskit

0

Autoritetet greke kanë konfirmuar arrestimin e dy personave në aeroportin e Selanikut, të cilët nga Maqedonia kërkohen si të akuzuar, gjegjësisht të lidhur me dëmtimin e pajisjeve për përgjim, edhe atë Goran Grujovski dhe Nikolla Boshkovski, njofton BTA, përcjell Fol.

Policia ka kumtuar se të personat janë arrestuar natën e kaluar në aeroportin e Selanikut me dokumenta të rrejshme bullgare.

Ministria e drejtësisë duhet të fillojë procedurën për ekstradimin e tyre, në momentin kur do të merr kumtimin e Interpolit për burgosjen e Goran Grujovskit dhe Nikolla Boshkovskit në fqinjën greke.

Boshkovski dhe Grujovski akuzohen nga PSP në rastet ‘Fortesa’, ‘Target’ dhe ‘Fortesa’.

Grujovski dhe Boshkovski u arratisën nga Maqedoni më 18 korrik, kur Apeli caktoi masë për paraburgim. /Fol/

Minur Asani i BESËS mbështet kandidatin e Aleancës në Komunën e Bogovinës

0

Sot, takimi me strukturat e LëvizjesBESA dhe Aleancës për Shqiptarë në degën e BOGOVINËS.
Prej këtu fillon edhe bashkëpunimi zyrtarë për komunën e Bogovinës.

Taravari përkrahet nga Rufi Osmani dhe Izet Zeqiri (FOTO)

0

Kandidati potencial i Aleancës për Shqiptarët në Komunën e Gostivarit, Arben Taravari, në profilin e tij në Facebook ka postuar një fotografi me Rufi Osmanin dhe Izet Zeqirin, shkruan Fol.

Kryetari i RDK-së, Rufi Osmani dhe deputeti më i zëshëm në historinë e Parlamentit të Maqedonisë për të drejtat e shqiptarëve, Izet Zeqiri, kanë takuar Arben Taravarin, për t’i dhënë mbështetje në rrethin e dytë më 29 tetor kundër Nevzat Bejtës së BDI-së.

Taravari në FB ka shkruar: ”Një përkrahje e fuqishme nga intelektualët e mirfilltë Prof. Rufi Osmani dhe Prof. Izet Zeqiri. Fitorja është e sigurtë tash më! Na priftë e mbara!”. /Fol/

Gjykata ka pranuar propozimin nga Prokuroria për dhënen e paraburgimit personve që sulmuan Selën

0

Prokuroria Themelore Publike- Shkup, informon opinionin se deri në këtë moment, janë të identifikuar edhe tre persona që janë të përfshirë në sulmin ndaj deputetit Z.S gjatë njgjarjeve në Parlamentin e RM-së më 27.04.2014. Nga dëshmitë e para të siguruara deri më tani, Prokuroria Themelore Publike- Shkup vlerëson se ekziston dyshim i bazuar se këta persona, së bashku me persona të tjerë, kanë kryer veprën penale “Vrasje” nga neni 123 pika 1 në lidhje me nenin 22 dhe në lidhje me nenin 19 nga Kodi Penal.

Prokurori publik përkatës dha urdhër për aplikimin e masave të procedurës hetimore kundër këtyre dy personave për veprën penale të sipërpërmendur. Gjithashtu, me vlerësim të Prokurorisë publike, kundër të dyshuarve është e patjetërsueshme që të meren masa për sigurimin e tyre, për çka prokurori publik deri te gjykatësi në procedurë paraprake dha propozim për dhënien e masës paraburgim, sepse ekzistojnë të gjitha bazat ligjore për këtë. Gjykatësi i procedurës paraprake 3 personave të dyshuar u ka shqiptuar masë paraburgimi prej 30 ditëve, njoftojnë nga Prokuroria.

Sulejman Osmani pjesё e grupit të “Kumanovës” Gjykata jep fjalën e fundit

0

Gjykata në Shkup në sot është paraparë ta jep vendimin për Sulejman Osmanin, i akuzuar në rastin
Kumanova. Gjykimi i Osmanit është bërë ndarazi nga pjesëtarët e tjerë të grupit “Kumanova”.
Ai një seancë të mbajtur ditë më parë ka dhënë fjalën përfundimtare, ku ka mohuar aktakuzën për
terrorizëm dhe ka theksuar se ai dhe bashkëluftëtarët e tij nuk qëndruan në Kumanovë për të mbrojtur
as Ali Ahmetin e as Nikolla Gruesvkin, por për të avancuar të drejtat e shqiptarëve.
“Në Maqedoni nuk kemi ardhur as për Gruevskin dhe as për Ali Ahmetin ashtu siç flitet, por ne jemi
këtu për shqiptarët, që të mos ketë më raste të montuara ashtu siç edhe ka pasur më parë. Unë ju flas
në emër të UÇK-së dhe ju them se nëse duan të kenë bashkëjetesë me shqiptarët do të duhet të
plotësohen të drejtat e tyre dhe të mos ketë raste të montuara politike. Të arrestuarit e logjistikës janë
të pafajshëm, ata nuk i njoh, ata janë të varfër dhe i keni arrestuar pa pikë faji”, tha i akuzuari Sulejman
Osamni.
Prokuroria në fjalën përfundimtare tha se deri më tani është vërtetuar se i akuzuari Sulejman Osmani
ka marr pjesë në sulmin e Gushincës dhe në Lagjen e Trimave dhe për këtë arsye kërkojmë që i njëjti të
gjykohet në bazë të veprave që janë ngritur ndaj tij, për terrorizëm dhe organizatë terroriste.
Sulejman Osmani ishte personi i parë që u dorëzua në lagjen e trimave më 9 maj dhe më pas duke i
treguar aratimin policisë të marrë nga stacioni policor në Grushinë u arratis. Ai pas disa muajsh u
arrestua në Kosovë dhe më pas u ekstradua në Maqedoni.

Një i punësuar në Komunën e Karposhit i ka ndërruar bravat në hapësirat e komunës

0

Kryetari i Komunës së Karposhit, Stevço Jakimovski dje në polici ka denoncuar se një punonjës në administratë i ka ndryshuar bravat e hapësirave të arkivit dhe të komisionit për furnizime publike, përcjell Fol.

”Dje në orën 14:10, Stevço Jakimovski, ka denoncuar se A.Z. i punësuar në administratën e komunës, pa asnjë autorizim dhe njohuri i ka marrë çelësat nga hapësirat e arkivit dhe komisionit për furnizime publike dhe gjatë 24 orëve të fundit, në mënyrë të paautorizuar i ka ndryshuar bravat, për ç’arsye administrata komunale nuk ka qasje deri te arkivi dhe komisioni për furnizime publike të komunës”, kumtoi MPB. /Fol/

Garë e ngushtë në rrethin e dytë mes partive shqiptare

0

Rezultatet e rrethit të parë te partitë shqiptare në Maqedoni nuk zgjodhën asgjë në atë se cila parti do t’i fitojë komuna kryesore: Tetovën, Çairin, Gostivarin dhe Strugën.

Nuk ka dyshim se beteja kryesore në rrethin e dytë do të zhvillohet mes partive shqiptare. Përderisa vota e pandarë (15.10.2017) ne bllokun maqedonas rezultoi e qartë dhe me fitore të dukshme të socialdemokratëve sipas rezultateve të para të Komisioni Shtetëror Zgjedhor (KSHZ), në rrethin e parë fituan 38 mandate  komunash, ndërsa kandidatët e tyre për kryetar komunash në rrethin e dytë kanë përparësi ndaj VMRO-DPMNE-së në 14 komuna, në një numër të madh në komunat me shumicë shqiptare pikërisht rrethi i dytë (29.10.2017) do të jetë vendimtarë për kandidatët për kryetar komunash të partive shqiptare.

Në këto komuna në rrethin e parë janë zgjedh vetëm dy kandidat, me të cilët mund që të mburret BDI – në Kërçovë dhe Pllasnicë. Të gjithë kandidatët tjerë (me origjinë shqiptare) do të vazhdojnë garën që në dy javët e para, përfshirë këtu edhe komunat Strugë, Tetovë, Çair, Dibër, Saraj, por edhe në Likovë, Tearcë, Bogovinë, Vrapçisht. Dolnen, Zhelinë, Studenican, njofton “Vërtetëmatësi“.

Rufi Osmani: Bashkëpunimi BESA – Aleanca do të sjellë reforma dhe ndryshime të mëdha

0

Ish kryetari i Komunës së Gostivarit, Rufi Osmani, e ka quajtur koalicion natyral, koalicionin mes Lëvizjes BESA dhe Aleancës për Shqiptarët.

Nga ana tjetër ai tha se BDI nuk ka kredibilitet që të kritikojë këtë koalicion pasi gjatë gjithë cikleve zgjedhore vetë ka bërë koalicione të fshehta, herë me VMRO-në e herë me LSDM-në. Osmani tha se marrëveshja për koalicion mes dy subjekteve shqiptare paraqet shpresën e vetme për shqiptarët në Maqedoni.

“Në 2013 e kanë pas në zyrat e BDI-së në Gostiva Sasho Mijallkovin njeriu që e kishte shtetin të kapur dhe që detyroi 5000 votues të VMRO-së të votojnë 24 karatëshin. Pastaj bëri koalicion parazgjedhor me LSDM-në. Andaj kjo parti ka më së paku kredibilitet të flet për koalicione, ndërsa ky koalicioni me Besën dhe Aleancën është koalicion natyror. Nuk kam asnjë dilemë se ky koalicion do prodhon reforma. Ky koalicion mirëpritet dhe është shpresë për shqiptarët”, tha Rufi Osmani në emisionin “Fol tash”.

Besa dhe Aleanca bashkë në Tetovë

0

Pas zyrtarizimit të bashkepunimit në mes Aleancës për Shqiptarë dhe Lëvizjes Besa sic duket mobilizimi i këtyre partive ka filluar që nga qyteti i Tetovës.

Në redaksin e portalit fol.mk ka arritu një fotografi ku shihen disa nga struktura e Aleancës për Shqiptarë në Tetovë në krye me kandidatin e tyre që kishin në zgjedhet lokale të mbajtura më 15 tetorë në këtë komunë, z.Adnan Neziri si dhe struktura nga Levizja Besa në krye me kandidatin e tyre Bilall Kasamin i cili është favor për ta fituar këtë komunë.

Sic duket dëshira e liderit të BDI-së z.Ali Ahmetit që ti shohë shqiptarët e bashkuar po realizohet,edhe pse partia e tij tanimë ka koalicionuar me partinë maqedonase LSDM-në.

Facebook Auto Publish Powered By : XYZScripts.com
%d bloggers like this: