Erdogan kërkon takim kokë më kokë me Merkelin

SHPËRNDAJE

Presidentin turk Rexhep Taip Erdogan dëshiron takim personal me kancelaren gjermane Angela Merkel që të përmirësohen marrëdhëniet midis dy vendeve. Këtë mbrëmë e deklaroi ministri turk i Punëve të Jashtme, Mevlut Çavushoglu në takimin me gazetarët gjermanë.

Sipas tij, Erdogani do të donte që ta ftonte Merkelin në Turqi pasi që të përfundonin negociatat për formimin e qeverisë së re gjermane ose eventualisht ai vetë të udhëtojë në Gjermani.

Marrëdhëniet gjermano-turke janë prishur pas tentativës për grusht shtet në vitin 2016. Diplomati theksoi se Erdogani disa herë ka biseduar në telefon me Merkelin dhe me presidentin gjerman Frank- Valter Shtajnmaer. Tensione të mëdha shkaktoi edhe arrestimi i gazetarit gjerman Denis Juxhel, i cili pothuajse 11 muaj është në burg në Turqi pa u akuzuar për asnjë lloj vepre penale.